સામાન્ય રીતે કોલેજોમાં પદવીદાન સમારોહનું આયોજન કરવામાં આવતું હોય છે કે જેમાં વિદ્યાર્થી ગ્રેજ્યુએટ કે માસ્ટર ગ્રેજ્યુએટ થાય ત્યારે તેઓને આ પદવી એનાયત કરવામાં આવતી હોય છે. પરંતુ હવે મોરબીની નવયુગ ઇન્ટરનેશનલ પ્રિસ્કૂલ દ્વારા આ પરંપરામાં ફેરફાર કરવામાં આવ્યો છે. જેમાં ફક્ત ગ્રેજ્યુએટ નહિ પરંતુ હવે પ્રિસ્કૂલના વિદ્યાર્થીઓને પણ પદવી આપવામાં આવે છે.
નવયુગ ગ્રુપ ઓફ એજ્યુકેશન દ્વારા જણાવવામાં આવ્યું હતું કે, નવયુગ પ્રેપ સેક્શન નવયુગ ઇન્ટરનેશનલ પ્રિસ્કૂલ, નવયુગ પ્રિસ્કૂલ અને નવયુગ કિડ્સ(ઇંગ્લીશમીડીયમ) વિભાગમાં ગ્રેજ્યુએશન ડે ઉજવાયું હતો. નવયુગ પ્રેપ સેક્શનમાં સિનિયર કેજીમાં અભ્યાસ કરતા બાળકો પોતાનું પ્રીસ્કુલ એજ્યુકેશન પૂરું કરતા હોય તેવા દરેક બાળકોને જે રીતે યુનિવર્સિટીમાં પદવીદાન યોજાય છે તેવી જ થીમથી બાળકોને હેટ તેમજ પ્રી સ્કૂલ ગ્રેજ્યુએશન પદવી એનાયત કરી હતી. તેમજ સાથે સાથે તમામ ભૂલકાઓએ અવનવી કૃતિઓ રજૂ કરી શ્રોતાઓને મંત્રમુક્ત કર્યા હતા. જેમ કોલેજમાં ત્રણ વર્ષ પછી ડિગ્રી એટલે કે પદવી એનાયત કરવામાં આવે છે તેવી જ રીતે જે વિદ્યાર્થીઓ એ પ્રી એજ્યુકેશનના ત્રણ વર્ષ પૂર્ણ કરેલ છે. તે તમામ વિદ્યાર્થીઓને તેમનું રિપોર્ટ કાર્ડ, હેટ તેમજ બેલ્ટ પહેરાવી સન્માનિત કરવામાં આવ્યા હતા. આ તકે બહોળી સંખ્યામાં પેરેન્ટ્સ ઉપસ્થિત રહી બાળકોનાં ઉત્સાહને વધાર્યો હતો.
