આજે ૨૬મી જાન્યુઆરી છે. ભારત એનો ૭૫મો ગણતંત્ર દિવસ મનાવી રહ્યો છે. દર વર્ષની જેમ આ વર્ષે પણ મોરબી સબ જેલ ખાતે પ્રજાસતાક દિવસની ઉજવણી કરવામાં આવી હતી. જેમાં વિવિધ કાર્યક્રમો પણ યોજાયા હતા. જેમાં વિજેતા કેદીવાન ભાઈઓ-બહેનોને સર્ટિફિકેટ પણ એનાયત કરવામાં આવ્યા હતા.
મોરબી સબ જેલ ખાતે આજે તા.૨૬/૦૧/૨૦૨૪ ના રોજ “૭૫ માં પ્રજાસતાક દિવસ”ની ઉજવણી કરવામાં આવી હતી. જેમાં જેલ અધિક્ષક ડી.એમ.ગોહેલ દ્વારા રાષ્ટ્રધ્વજ ફરકાવી અધિકારી/કર્મચારીઓ તેમજ પરિવારના સભ્યો અને તમામ બંદીવાનોને રાષ્ટ્રીય પર્વની શુભેચ્છા પાઠવી હતી.
તેમજ બંદિવાનો દ્વારા દેશભક્તિને લગતા કાર્યક્રમો જેવા કે, દેશ-ભક્તિ ગીત, સાંસ્કૃતિક કાર્યક્રમ, કેરમ, ચેસ, લીંબુ ચમચી, લુડો જેવી સ્પર્ધા યોજાઈ હતી. જેમાં જીતેલ બંદીવાન ભાઈઓ-બહેનોને સર્ટિફિકેટ એનાયત કરવામાં આવ્યા હતા. આમ રાષ્ટ્રીય કાર્યક્રમની મોરબી સબ જેલ ખાતે ધામ-ધૂમ પૂર્વક ઉજવણી કરવામાં આવી હતી.. તેમજ જેલમાં સારી કામગીરી કરનાર અધિકારી/કર્મચારીઓ અને બંદીવાનોને પ્રશંસાપત્ર એનાયત કરવામાં આવ્યા હતા. ત્યારે આ કાર્યક્રમને સફળ બનાવવા જેલર પી.એમ.ચાવડા તેમજ જેલ સ્ટાફ દ્વારા પૂરો સહકાર આપવામાં આવ્યો હતો.
