મોરબીમાં વાહન ચોરતી ટોળકી સક્રિય ! : મહેન્દ્ર ડ્રાઇવ રોડ પરથી કરી એકસેસ સ્કૂટરની ઉઠાંતરી

મોરબી જિલ્લામાં છેલ્લા એક માસથી દ્રિચક્રી વાહન ચોરતી ટોળકી સક્રિય થઇ છે. જેમાં ગત 5 સપ્ટેમ્બરના રોજ મહેન્દ્ર ડ્રાઇવ રોડ પર આવેલ રાજપુત ખવાસ વાડીની બાજુ મા રોડ પર પાર્ક કરેલ મંજુરહુસેન સબીરહુસેન પાયક નામના એક શખ્સની એકસેસ સ્કૂટરની કોઈ અજાણ્યા ચોર દ્વારા ઉઠાંતરી કરવામાં આવતા મોરબી સીટી એ ડિવીઝન પોલીસ સ્ટેશનમાં ફરિયાદ નોંધાઈ છે.

મળતી માહિતી અનુસાર, ગત 5 સપ્ટેમ્બરના મંજુરહુસેન સબીરહુસેન પાયક નામનો યુવાન પોતાની જીજે-૩૬-એ.બી-૯૫૨૯ નંબરની મેટ બ્લુ કલરની એકસેસ ૧૨૫ મહેન્દ્ર ડ્રાઇવ રોડ પર આવેલ રાજપુત ખવાસ વાડીની બાજુ મા રોડ પર પાર્ક કરી બહાર ગયો હતો. જે તકનો લાભ લઈ એક અજાણ્યા ચોરે રેકી કરી અને બાદમાં વાહનની ઉઠાંતરી કરી નાસી ગયો હતો. જે અંગે મંજુરહુસેન સબીરહુસેન પાયક દ્વારા મોરબી સીટી એ ડિવીઝન પોલીસ સ્ટેશનમાં ફરિયાદ નોંધાવી છે.