મોરબીમાં પરશુરામ પોટરી ફીડરમાં મેન્ટેનન્સ કરવાનું હોવાથી આવતીકાલે વિજપુરવઠો બંધ રહેશે

મોરબીમાં આવતીકાલે ફરી વીજકાપ મુકવામાં આવ્યો છે. જેને કારણે પરશુરામ પોટરી ફીડરના નીચેના વિસ્તારોમાં આવતીકાલે 8 કલાક વીજપુરવઠો બંધ રહેશે.

PGVCLનાં જણાવ્યા અનુસાર, મોરબી શહેર પેટા વિભાગ ૨ હેઠળ આવતીકાલે એટલે કે, તા. ૧૯/૦૧/૨૦૨૩ ના રોજ પરશુરામ પોટરી ફીડરના નીચેના વિસ્તારોમાં મેન્ટેનન્સના હેતુથી સવારે ૭.૩૦ વાગ્યાથી સાંજે ૦૩.૩૦ વાગ્યા સુધી વિજપુરવઠો બંધ રહેશે. જેની શ્રીમદ્ સોસાયટી, રાજ સોસાયટી, ધર્મસિદ્ધી સોસાયટી, અનુપમ સોસાયટી, રચના સોસાયટી, કર્મચારી સોસાયટી, જિલ્લા પંચાયત, સોભેશ્વર રોડ તથા આસપાસનાં વિસ્તારોમાં અસર થશે. ત્યારે ઉલ્લેખનીય છે કે, મેન્ટેનન્સની કામગીરી પૂર્ણ થયે કોઈ પ્રકારની જાણ કર્યા વગર વીજ પુરવઠો ચાલુ કરવામાં આવશે. તેમ PGVCL દ્વારા જણાવવામાં આવ્યું હતું.