વાંકાનેર સિટી પોલીસ દ્વારા “તેરા તુજકો અર્પણ” કાર્યક્રમ અંતર્ગત “CEIR” પોર્ટલ ના ઉપયોગ કરી આશરે ૨,૧૬,૧૮૯/- ની કિમતના કુલ-૦૯ જેટલા ખોવાયેલ મોબાઈલ શોધી કાઢી અરજદારોને પરત આપવામાં આવ્યા છે.
મળતી માહિતી અનુસાર, મોરબી જીલ્લા પોલીસ અધિક્ષક રાહુલ ત્રિપાઠીએ પ્રજા કલ્યાણ તથા પ્રજા ઉપયોગી કાર્યવાહી કરવા સૂચના આપી હતી. તેમજ નાયબ પોલીસ અધિક્ષક એસ.એચ.સારડાના માર્ગદર્શન હેઠળ પોલીસ ઇન્સપેક્ટર એચ.એ.જાડેજા વાંકાનેર સીટી પોલીસ સ્ટેશનના સુપરવિઝન હેઠળ વાંકાનેર સિટી પોલીસ સ્ટેશનના અરજદારોના ખોવાયેલ/ચોરાયેલ મોબાઇલ શોધી કાઢવા સ્ટાફને સુચના આપી હતી. જે અંતર્ગત વાંકાનેર સીટી પોલીસ સ્ટેશનના અનાર્મ પોલીસ હેડ કોન્સ્ટેબલ ધર્મેન્દ્રભાઈ વાઘડિયા તથા અનાર્મ પોલીસ કોન્સ્ટેબલ ભરતભાઈ દલસાણીયાએ “CEIR પોર્ટલનો ઉપયોગ કરી “CEIR”મા એંટ્રી કરી સતત મોનીટરીંગ રાખી ટેક્નીકલ વર્ક આઉટ કર્યું હતું. જ્યારે સર્વેલન્સ સ્ટાફે જહેમત ઉઠાવી કુલ-૦૯ જેટલા આશરે ૨,૧૬,૧૮૯/- ની કિંમતના મોબાઇલો શોધી કાઢી એક સાથે પરત અપાવી સુરક્ષા સાથે સેવાનુ ઉત્તરદાયિત્વ નિભાવી, પોલીસ પ્રજાની મિત્ર છે તે સુત્ર વાંકાનેર સીટી પોલીસ દ્વારા સાર્થક કરી બતાવ્યું છે.
જેમાં પોલીસ ઇન્સ્પેકટર એચ. એ.જાડેજા, પોલીસ હેડ કોન્સ્ટેબલ ધર્મેશભાઈ વાધડીયા, વિશ્વરાજસિંહ ઝાલા, પોલીસ કોન્સ્ટેબલ ભરતભાઈ દલસાણીયા દ્વારા કામગીરી કરવામાં આવી હતી.
