રાજકોટ રેન્જ આઇજી અશોકકુમાર યાદવ તથા મોરબી જિલ્લા એસ.પી રાહુલ ત્રિપાઠી દ્વારા મોરબી જીલ્લામાં ચોરીના બનાવો અટકાવવા તેમજ અનડીટેક્ટ ગુન્હાઓ શોધી કાઢવા કડક સૂચના કરેલ હોય જે અન્વયે કામગિરી કરતાં દરમીયાન વાંકાનેર સીટી પોલીસની ટીમ દ્વારા થાન રોડ ઉપર થયેલ ઘરફોડ ચોરીનાં ગુન્હાનો ભેદ ગણતરીની કલાકોમાં શોધી કાઢી બે ઇસમોની અટકાયત કરી છે.
મળતી માહિતી અનુસાર, વાંકાનેર સીટી પોલીસ સ્ટેશનમાં ગત તા.૧૨-૦૧-૨૦૨૩ નાં રોજ થાનરોડ ઉપર થયેલ ઘરફોડ ચોરીનો ગુન્હો દાખલ થયેલ હોય જેને ગુન્હાની તપાસમાં વાંકાનેર સીટી પોલીસની ટીમ હોય જે દરમિયાન તેઓને ખાનગીરાહે મળેલ હકીકતનાં આધારે વોચ તપાસમાં હોય દરમ્યાન તેઓને આ ગુન્હામા ગયેલ તમામ મુદ્દામાલ સાથે વિરમભાઈ ઉર્ફે વિજયભાઈ ગાંડુભાઈ ટોટા તથા સરવન ઉર્ફે સોનુ કરશનભાઈ રાઠોડ નામના બે ઈસમોને પકડી પાડી ગુન્હાનો ભેદ ઉકેલી નાખ્યો છે અને આગળની કાર્યવાહી હાથ ધરી છે.
