વાંકાનેર તાલુકા પોલીસે ફિલ્મી ઢબે પીછો કરી ૪૦૦ લીટર દેશી દારૂ સાથે ઈકો કાર કબ્જે લીધી
વાંકાનેર તાલુકા પોલીસ પેટ્રોલિંગમાં હોય તે દરમિયાન ફિલ્મી ઢબે ઇકો કારનો પીછો કરી ભલગામ ગામ નજીક તુલસી હોટલ પાછળના રસ્તેથી કારને ઝડપી લેવામાં આવી હતી, આ સાથે ઇકો કારની તલાસી લેતા તેમાંથી ૪૦૦ લીટર દેશી દારૂ મળી આવ્યો હતો, જ્યારે ઇકો કાર રેઢી મૂકી કાર ચાલક આરોપી નાસી ગયો હોય જેથી તેને ફરાર દર્શાવી વાંકાનેર તાલુકા પોલીસ મથકમાં ગુનો નોંધી ફરાર આરોપીને પકડી લેવા તપાસ ચલાવી છે.
વાંકાનેર તાલુકા પોલીસ ટીમ પેટ્રોલિંગમાં હતી. આ દરમ્યાન એક શંકાસ્પદ ઇકો કાર પસાર થતી જોવા મળી હતી, જેથી તેને રોકવા ઇશારો કરતા ગ્રે કલર ઇકોના ચાલકે પોતાની કાર રોકી ન હોય ત્યારે પોલીસ ટીમે તેનો ફિલ્મી ઢબે કારનો પીછો કરતા ઇકો કારનો ચાલક પોતાની કાર ભલગામ નજીક રેઢી મૂકીને નાસી ગયો હતો.
ત્યારે પોલીસે ગ્રે કલરની ઇકો કાર રજી.નં. જીજે-૩૬-એએફ-૩૪૫૧ કારની તલાસી લેતા તેમાંથી ૪૦૦લીટર દેશી દારૂનો જથ્થો મળી આવ્યો હતો, આ સાથે પોકીસે કારના ચાલક આરોપીને ફરાર દર્શાવી ઇકો કાર તથા દારૂનો જથ્થો કબ્જે લઈ ફરાર આરોપી સામે પ્રોહી. એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.
