ગુજરાત પોલીસના પ્રોજેક્ટ તેવા ‘તેરા તુજકો અર્પણ’ અંતર્ગત આજે વાંકાનેર તાલુકા પોલીસ દ્વારા “CEIR” પોર્ટલના ઉપયોગથી આશરે રૂ.૧,૯૨,૨૯૨/- ની કિમતના કુલ ૧૧ જેટલા ખોવાયેલ મોબાઈલ ફોન શોધી કાઢી અરજદારોને પરત અપાવ્યા છે.
મળતી માહિતી અનુસાર, મોરબી જીલ્લા એસ.પી. રાહુલ ત્રિપાઠીએ પ્રજા કલ્યાણ તથા પ્રજા ઉપયોગી કાર્યવાહી કરવા મોરબી જિલ્લા પોલીસને સૂચના આપી હતી. જેને લઇ વાંકાનેર સીટી પોલીસ સ્ટેશન તેમજ વાંકાનેર તાલુકા પોલીસ સ્ટેશન વિસ્તારમાં અરજદારોના ખોવાયેલ/ચોરાયેલ મોબાઇલ શોધી કાઢવા પોલીસ દ્વારા “CEIR પોર્ટલનો ઉપયોગ કરી “CEIR”મા એંટ્રી કરી સતત મોનીટરીંગ રાખી ટેક્નીકલ વર્ક આઉટ કરી જહેમત ઉઠાવી રૂ.૧,૯૨,૨૯૨/- ની કિંમતના કુલ ૧૧ જેટલા મોબાઇલો શોધી કાઢી એક સાથે તેમના મૂળ માલિકોને પરત અપાવ્યા હતા અને સુરક્ષા સાથે સેવાનુ ઉત્તરદાયિત્વ નિભાવી, પોલીસ પ્રજાની મિત્ર છે. એ સુત્ર વાંકાનેર સીટી તેમજ વાંકાનેર તાલુકા પોલીસે સાર્થક કરી બતાવ્યું છે
