વાંકાનેર તાલુકા પોલીસે તેરા તુજકો અર્પણ” કાર્યક્રમ અંતર્ગત “CEIR” પોર્ટલ ના ઉપયોગથી આશરે રૂ. ૨,૭૫,૨૭૫ ની કિમતના કુલ-૧૪ જેટલા ખોવાયેલ મોબાઈલ ફોન શોધી કાઢી અરજદારોને પરત આપવામાં આવ્યા છે.
મળતી માહિતી અનુસાર, મોરબી જીલ્લા પોલીસ અધિક્ષકરાહુલ ત્રિપાઠીએ પ્રજા કલ્યાણ તથા પ્રજા ઉપયોગી કાર્યવાહી કરવા સૂચના આપી હતી. તેમજ નાયબ પોલીસ અધિક્ષક એસ.એચ.સારડાના માર્ગદર્શન હેઠળ પોલીસ ઇન્સપેક્ટર ડી.વી.ખરાડી વાંકાનેર તાલુકા પોલીસ સ્ટેશનના સુપરવિઝન હેઠળ વાંકાનેર તાલુકા પોલીસ સ્ટેશનના અરજદારોના ખોવાયેલ/ચોરાયેલ મોબાઇલ શોધી કાઢવા સ્ટાફને સુચના આપી હતી. જે અંતર્ગત વાંકાનેર તાલુકા પોલીસ સ્ટેશશના પોલીસ હેડ કોન્સ્ટેબલ હંસાબેન પાપોદરાએ “CEIR પોર્ટલનો ઉપયોગ કરી “CEIR”મા એંટ્રી કરી સતત મોનીટરીંગ રાખી ટેક્નીકલ વર્ક આઉટ કરી સર્વેલન્સ સ્ટાફે જહેમત ઉઠાવી કુલ-૧૪ જેટલા આશરે ૨,૭૫,૨૭૫/- ની કિંમતના મોબાઇલો શોધી કાઢી એક સાથે પરત અપાવી સુરક્ષા સાથે સેવાનુ ઉત્તરદાયિત્વ નિભાવી, પોલીસ પ્રજાની મિત્ર છે એ સુત્રને વાંકાનેર તાલુકા પોલીસે સાર્થક કરી બતાવી છે…
