પોલીસે વિદેશી દારૂની ૬૧૨ બોટલ તથા બોલેરો ગાડી સહીત ૭.૩૨લાખનો મુદામાલ જપ્ત કર્યો
વાંકાનેર તાલુકા પોલીસે ફિલ્મી ઢબે પીછો કરી મહિકાથી હોલમઢ ગામના રસ્તા તરફથી વિદેશી દારૂ ભરેલ બોલેરોની પકડી લેવામાં આવી છે. જયારે આરોપી બોલેરો ચાલક કાર રેઢી મૂકી નાસી ગયો હતો. આ સાથે પોલીસે બોલેરોમાંથી વિદેશી દારૂની અલગ અલગ બ્રાન્ડની ૬૧૨ બોટલ તથા બોલેરો કાર સહીત રૂ ૭.૩૨લાખનો મુદામાલ કબ્જે લઇ નાસી છૂટેલ બોલેરો ચાલક વિરુદ્ધ ગુન્હો નોંધી તપાસનો ધમધમાટ શરુ કર્યો છે.
મળતી માહિતી અનુસાર વાંકાનેર તાલુકા પોલીસ નાઈટ પેટ્રોલિંગમાં હોય તે દરમિયાન હોલમઢથી મહીકા ગામ તરફ આવતા હતા ત્યારે સામેથી એક વાઈટ કલરની બોલેરો આવતા તેને વાહન ચેકીંગ માટે રોકવા ઈસરો કરતા બોલેરો ચાલકે પોતાનું વાહન ઉભું રાખેલ નહિ અને ત્યાંથી આગળ નીકળી ગયો હોય જેથી પોલીસે બોલેરો કારનો પીછો કરતા મહીકાથી હોલમઢ ગામ વચ્ચે મચ્છુ નદીના કાચા રસ્તે અવેળા પાસે બોલેરો કાર રેઢી હાલતમાં મળી આવેલ હતી. ત્યારે બોલેરો કાર રજી. જીજે-૧૭-ટીટી-૭૬૪૯ના પાછળના ઠાઠામાં ચેક કરતા વિદેશી દારૂની અલગ અલગ બ્રાન્ડની ૬૧૨ બોટલ કિ.રૂ.૨,૩૨,૫૦૦/- ઝડપી લેવામાં આવી હતી તથા બોલેરો કાર કિ.રૂ.૫ લાખ એમ મળી કુલ રૂ.૭,૩૨,૫૦૦/-નો મુદામાલ કબ્જે લઇ અજાણ્યા બોલેરો કાર ચાલક સામે ગુન્હો નોંધી તેને પકડી ઓળવા તપાસના ચક્રો ગતિમાન કર્યા છે.
