વાંકાનેરમાં વિદેશી દારૂ ઝડપાવવાનો સિલસિલો યથાવત રહ્યો છે. ત્યારે ગઈકાલે વાંકાનેર તાલુકા પોલીસની ટીમ દ્વારા માટેલ ગામ થી જામસર ચોકડી તરફ જતા રસ્તા પરથી એક ઈસમને વિદેશી દારૂના જથ્થાની હેરાફેરી કરતા પકડી પાડ્યો છે. અને તેના વિરુધ્ધ પ્રોહિબિશન એક્ટ કલમ ૬૫(એ)(એ),૧૧૬(બી),૯૮ મુજબ ગુન્હો દાખલ કરી ઈસમની અટકાયત કરી છે.
મળતી માહિતી અનુસાર, વાંકાનેર તાલુકા પોલીસની ટીમ ગઈકાલે પેટ્રોલિંગમાં હતી. ત્યારે તેઓને બાતમી મળી હતી કે, માટેલ ગામ થી જામસર ચોકડી તરફ જતા રસ્તા પરથી એક ઈસમ તેની GJ-03-LG-2243 નંબરની હ્યુન્ડાઇ આઇ-૨૦ કારમાં વિદેશી દારૂનો જથ્થો લઈ નીકળનાર છે. જે હકીકતનાં આધારે પોલીસે માટેલ ગામના ધરા પર આવેલ પુલ પાસે વોચ ગોઠવી રાખી બાતમી વાળી કાર સ્થળ પરથી પસાર થતા તેને રોકી ,કાર ચાલક મુકુંદભાઇ બાબુભાઇ શ્રીમાળીની પૂછપરછ કરી કારની તપાસ કરતા તેમાંથી ભારતીય પરપ્રાંત બનાવટની મેક ડોવેલ્સ નં.૧,ડીલક્સ વ્હીસ્કીની ૨૪ બોટલનો રૂ.૯૦૦૦/-નો મુદ્દામાલ મળી આવ્યો હતો. જેથી પોલીસે ઈસમની અટકાયત કરી રૂ.૩,૦૦,૦૦૦/-ની કાર તથા દારૂનો જથ્થો મળી કુલ રૂ.૩,૦૯,૦૦૦/-નો મુદ્દામાલ કબ્જે કર્યો છે.
