હળવદ શહેરના વોર્ડ નંબર 5 માં આવેલ હરીનગર ગોલ્ડ સોસાયટીમાં ઉનાળાના પ્રારંભની સાથે છેલ્લા ૨૦ દિવસથી પાણીની પળોજણે માથું ઊંચક્યું છે. આ વિસ્તારમાં પાણી ન આવતા મહિલાઓએ રણચંડી બની નગરપાલિકા કચેરી ખાતે હલ્લાબોલ કર્યો હતો. પાણીના અભાવથી ત્રસ્ત મહિલાઓના ટોળાએ પાલિકા કચેરી ખાતે ચીફ ઓફિસરની ચેમ્બરમાં જઈ આકરા સુત્રોચાર કર્યા હતા અને તંત્ર સામે રોષ ઠાલવ્યો હતો.
- Advertisement -
- Advertisement -
વિસ્તારવાસીઓના જણાવ્યા અનુસાર આ વિસ્તારના ચૂંટાયેલા સદસ્યોને પાણી પ્રશ્ને અનેક વખત રજુઆત કરવા છતાં નપાણીયા તંત્ર દ્વારા આજ દિવસ સુધી સમસ્યાનો ઉકેલ ન આવતા મહિલાઓમાં ભારેલા અગ્નિ જેવો માહોલ જોવા મળ્યો હતો. મહિલાઓએ આકરા પાણીએ થઈ જો આગામી દિવસમાં આ પ્રશ્ન હલ કરવામાં નહિ આવે તો નગરપાલિકા કચેરી ખાતે ઉગ્ર આંદોલન કરવાની ચીમકી આપતા તંત્ર દોડતું થયું છે.
