મોરબી શાકમાર્કેટના ગેટ પાસે જાહેર રોડ ઉપર ચારેક શખ્સોએ શિકલા સાથે કેમ ફરેશ ? તેમ કહીને યુવક સાથે મારામારી કરી હતી અને યુવક તથા તેના મિત્રને છરી મારતા ગંભીર ઈજાઓ પહોંચી હતી. જેને લઈ બંનેને લોહીલુહાણ હાલતમાં સારવારમાં ખસેડવામાં આવ્યા હતા. તેમજ સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરવામાં આવી હતી.
મળતી માહિતી અનુસાર, મોરબી શાકમાર્કેટના ગેટ પાસે જાહેર રોડ ઉપર દિપકભાઈ રાજુભાઈ બુધ્ધદેવ પર કીશન પટેલ, યશ પટેલ, યશ પટેલનો ભાઈ અને શાહનવાઝ કાસમાણીએ મોટર સાઈકલ લઈને આવી અને “શિકલા સાથે કેમ ફરે છે” તેમ કહી કીશન પટેલે નેફામાથી છરી કાઢી યુવકને ડાબી આંખ પાસે એક ઘા મારતા આંખ પાસે ટાંકા આવેલ તથા યશ પટેલે તેના નેફામાંથી છરી કાઢી સાહેદને ડાબા હાથના કાંડા પાસે એક ઘા મારતા ટાંકા આવેલ બાદ કીશન પટેલ, યશ પટેલ, યશ પટેલનાં ભાઈઓ આવેલ અને ફરિયાદીને જમણા હાથે કોણીથી ઉપરના ભાગે તેના પાસે રહેલ ધોકાનો એક ઘા મારી દીધેલ તેમજ ઢીંકા પાટુનો મુંઢ માર મારી ફરિયાદીને ધક્કો મારતા ત્યાં પડેલ શાકભાજીના ટ્રક સાથે અથડાતા પાંચ દાંતમાં ઈજા થતા હલવા લાગેલ તેમજ આરોપીઓએ ફરિયાદી તથા સાહેદને ભુંડાબોલી ગાળો આપી તેમજ જાનથી મારી નાખવાની ધમકી આપતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરવામાં આવી છે.
