મોરબીના બેલા તળાવીયા શનાળા ગામે ફેક્ટરીમાં કામ દરમિયાન પડી ગયેલા શ્રમિકનું મોત

મોરબીના બેલા-તળાવીયા શનાળા રોડ પર આવેલા આંગન સિરામિકમાં ૨૬ વર્ષીય યુવાન કામ દરમ્યાન પડી જતાં માથામાં ગંભીર ઇજા થતાં મોત થયું હતું. તાલુકા પોલીસ દ્વારા મરણ નોંધ કરી છે.

અપમૃત્યુના બનાવની પ્રાપ્ત વિગત મુજબ, મોરબી તાલુકાના બેલા-તળાવીયા શનાળા રોડ પર આવેલા આંગન સિરામિકના લેબર ક્વાર્ટરમાં રહેતા હેમરાજભાઈ બાબુભાઈ બાવરી ઉવ.૨૬ ગઈકાલ તા.૦૭/૦૯ના રોજ સાંજના અરસામાં તેઓ કામ દરમ્યાન અચાનક પડી ગયા હતા. જેમાં તેમને માથામાં ગંભીર ઇજા થતાં ઘટનાસ્થળે જ તેમનું મોત થયું હતું. તુરે મૃતકની ડેડબોડી અત્રેની સિવિલ હોસ્પિટલ ખાતે લાવતા હાજર ડોકટરે પોલીસને ટેલિફોનીક જાણ કરવામાં આવતા તાલુકા પોલીસે અ. મોતની નોંધ કરી આગળની તપાસ ચલાવી છે.