મોરબી તાલુકાના નવા સાદુંળકા ગામની સીમમાં ‘કેમ મારા સામેં આંખો ફાળે છે’ તેમ કહી આ બાબતે ડખ્ખો કરી આરોપીએ યુવન પર કુહાડી વડે હુમલો કાર્યનો બનાવ સામે આવ્યો છે. આ અંગે ઇજાગ્રસ્ત યુવાને મોરબી તાલૂકા પોલીસ સ્ટેશનમાં ફરિયાદ નોંધાવતા પોલીસે તપાસ શરૂ કરી આરોપીને ઝડપી લેવા કાર્યવાહી હાથ ધરી છે.
વિગત મુજબ મોરબી તાલુકાના નવા સાદુંળકા ગામની સીમમાં આવેલ કૈલાશભાઇ કાનજીભાઇ જીંજવાડીયાની વાડીમાં ગત તા. 21 ના રોજ મફતીયાપરા મોરબી ખાતે આવેલ શોભેશ્વર રોડ પાણીના ટાંકા પાસે રહેતા ફરિયાદી શિવલાલભાઇ દિનેશભાઇ સુરેલા (ઉવ-૨૭) વાડીએ હતા તે દરમીયાન આરોપી પ્રભુભાઇ બાબુભાઇ સુરેલા રહેવાસી-ભડીયાદ કાંટા પાસે કારખાનાની બાજુમાં મોરબી-૨ વાળએ ફરિયાદીને’કેમ મારા સામે ડોળા ફાળે છે’ તેમ કહી બેફામ વાણી વિલાસ આચર્યો હતો. ત્યારબાદ ઉશ્કેરાઈ જઇ આરોપીએ ઓરડીની બાજુમાં બાવળ કાપવાની કુહાડી પડેલ હતી તે લઇને શિવલાલભાઈના માથામાં ઘા ઝીંકતા તેઓને માથામાં ગંભીર ઇજા થવા પામી હતી.આ અંગે ફરિયાદ દાખલ કરાતા પોલીસે તપાસ હાથ ધરી આરોપીને ઝડપી લેવા સહિતની કાર્યવાહી હાથ ધરી છે.
