મોરબીના ઇન્દીરાનગરમાં રહેતો યુવાન લાપતા

બનાવની મોરબી સીટી બી ડિવીઝન પોલીસ સ્ટેશનેથી પ્રાપ્ત વિગતો અનુસાર મોરબીના સામાકાંઠે આવેલ ઇન્દીરાનગરનાં મંગલમ વિસ્તારમાં રહેતા ગોપાલભાઇ પ્રભુભાઇ ઝીંઝુવાડીયા (ઉ.વ. આશરે ૪૫ વર્ષ) નામના યુવાન ગત તા.૨૩/૧૧ના રોજ પોતાના ઘરેથી કોઇને કહ્યા વગર જતા રહ્યા હતાં. તેઓ સમયસર પરત ન ફરતા તેમના પરિવારજનોએ શોધખોળ કરી હતી પરંતુ આજદિન સુધી તેમનો કોઈ પત્તો ન લાગતા અંતે તેમના પરિવારજનોએ આ અંગે બી ડિવિજન પોલીસ મથકે ગુમસુદા ફરિયાદ નોંધાવી છે. બી ડિવિજન પોલીસે બનાવની નોંધ કરી લાપતા યુવાનની શોધખોળ હાથ ધરી છે.