ધંધાના કામે જવાનું કહી નીકળેલો વાંકાનેરનો યુવાન ગુમશુદા

વાંકનેર સીટી પોલીસ સ્ટેશને થી પ્રાપ્ત વિગતો અનુસાર વાંકાનેરમાં વીશીપરા પ્રાથમીક શાળા પાસે રહેતા ધર્મેશભાઇ રમેશભાઇ ભીંડોરા ગોપાલ નમકીનની એજન્સી ધરાવે છે. તેઓ ગત તા. ૧૬ના રોજ સવારના નવેક વાગ્યે ઘરેથી ગોપાલ નમકીનની એજન્સીના ધંધાના કામે રાજકોટ તથા અમદાવાદ જવાનુ કહીને નીકળેલ હતા. તેઓ રાત્રીના પરત આવાનુ કહીને ગયા હતા. પરંતુ આજ દીન સુધી ઘેર પરત આવેલ ના હતા. આથી, તેમના પત્ની કુસુમબેને વાંકાનેર સીટી પોલીસ સ્ટેશનમાં ફરિયાદ નોંધાવી છે. હાલમાં પોલીસે ગુમશુદા નોંધી આગળની તપાસ હાથ ધરી છે.