મોરબીના રવપર રોડ પર ભરબપોરે લાખો રૂપિયા ભરેલા થેલાની લૂંટ અંગેનો પ્રયાસ થયો હતો આ પ્રકરણમાં વસંતભાઈ દ્વારા બે અજાણ્યા શખ્સો સામે પોલીસ ફરિયાદ નોંધાઈ છે.
વિગત મુજબ ગઈકાલે મોરબીના રવાપર કેનાલ રોડ પર લીલા લહેર બાગની ની બાજુમાં આંગળીયાનુ કમીશન તરીકે કામ કરતા વસંતભાઈ બાવરવા આંગળીયાના રોકડ રૂપીયા એક જગ્યાએથી લઇ બીજી જગ્યાએ આપવા જતા હતા જે દરમ્યાન બે અજાણ્યા શખ્સો કાળા કલરના હોન્ડા સ્પ્લેન્ડર બાઇકમાં આવી વસંતભાઈ ઉપર મરચાની ભુંકી છાંટી રૂપીયાના પાર્સલો ઝુંટવાનો પ્રયાસ કર્યો હતો. આ ઝપાઝપીમાં એક પાર્સલ તુટી જતા એક અજાણ્યા માણસે રૂપીયાનુ બંડલ લઇ ભાગવા પ્રયાસ કરતા વસંતભાઈએ આરોપીના મો.સા.ની ચાવી કાઢી આ દરમિયાન એક શખ્સે ફરિયાદી વસંત ભાઈના માથામાં બંદૂકના ઉંધા બે ત્રણ ધા મારી ઇજાઓ કરી હતી. ઉપરાંત રૂપિયાનો લૂંટ ચલાવી હતી. આ પ્રકરણમાં વસંતભાઈએ મોરબી સીટી એ ડિવિઝન પોલીસ મથકમાં બે અજાણ્યા શખ્સ સામે ફરિયાદ નોંધાવી છે. પોલીસે ફરિયાદને પગલે આરોપીઓને ઝડપી લેવા સીસીટીવી ચેકીંગ સહિતની કામગીરી હાથ ધરી છે.
