મોરબી સિરામીક વોલ ટાઇલ્સ એસોશિએશનનું સુકાન હરેશ બોપલીયા શિરે

મોરબી સિરામીકમાં વોલ ટાઇલ્સ એસોશિએશનના પ્રમુખ તરીકે નિલેશભાઈ જેતપરિયાએ રાજીનામુ આપ્યા બાદ પ્રમુખ પદે હરેશભાઈ બોપલીયા ની બિનહરીફ વરણી કરવામાં આવી છે.

મોરબી સિરામીક એસોસિએશનમાં વોલ ટાઇલ્સ એસોશિએશનના પ્રમુખ તરીકે નિલેશભાઈ જેતપરિયાએ કાર્યકાળ પૂર્ણ થયા બાદ તેઓએ સ્વૈચ્છિક રાજીનામુ ધરી દીધું હતું ત્યારબાદ ખાલી પડેલ પ્રમુખ પદ માટે હરેશભાઇ બોપલીયા, ચતુરભાઈ પાડલિયા અને પ્રદીપભાઈ કાવઠિયાએ દાવેદારી નોંધાવી હતી. આ દરમિયાન ચતુરભાઈ પાડલિયાએ પ્રદીપભાઈ કાવઠિયાને ટેકો જાહેર કરી ફોર્મ પરત ખેંચી લીધું હતું ઉપરાંત પ્રદીપભાઈ કાવઠિયાએ પણ હરેશભાઇ બોપલીયાને ટેકો આપી ઉમેદવારી પરત ખેંચી લેતા વોલ ટાઇલ્સ વિભાગમાં હરેશભાઇ બોપલીયા પ્રમુખ તરીકે બિનહરીફ થયા હતા.