મોરબી પોલીસ દ્વારા અલગ અલગ ચાર જગ્યાએ દરોડા પાડી ચાર શખ્સોને દારૂ સાથે ઝડપી પાડવામાં આવ્યા છે.
જેમાં પ્રથમ દરોડામાં મોરબીની ત્રાજપર ચોકડી થી વાંકાનેર તરફ જતા રોડ પર ભારતીય બનાવટની બ્લેન્ડર પ્રાઇડ વહીસ્કી ની દસ બોટલ જેની કી. રૂ.૮૫૦૦ ના મુદામાલ સાથે આરોપી ભરત દેવાયતભાઈ મૈયડ (ઉ.વ.૪૦ ધંધો મજૂરી રહે.સિદ્ધિવિનાયક સોસાયટી પાછળ મોરબી-૨) વાળાને ઝડપી લઈ કાર્યવાહી હાથ ધરી હતી.
જ્યારે બીજા દરોડામાં પંચાસર રોડ પર આવેલ ગીતા ઓઇલ મીલ પાસેથી આરોપી વનરાજભાઈ વિરમભાઈ બરબરીયા (ઉ.વ.૩૬ રહે.રવાપર જ્યોતિપાર્ક મુ.રહે.પીઠડ તા.જોડિયા) વાળાને રોયલ ચેલેન્જ વહીસ્કીની એક બોટલ જેની કી.રૂ.૫૨૦ના મુદામાલ સાથે ઝડપી લેવામાં આવ્યો હતો.
જ્યારે ત્રીજા દરોડામાં પંચાસર રોડ ખ્વાજા પેલેસ પાસેથી આરોપી સોહિલ ઉર્ફે સવો સલીમભાઈ મોવર (ઉ.વ.૨૪ રહે.ખ્વાજા પેલેસ વાળી શેરી, પંચાસર રોડ મોરબી) વાળાને સિગ્નેચર રેર એઝેડ વહીસ્કીની એક બોટલ જેની કી. રૂ.૩૦૦ ના મુદામાલ સાથે ઝડપી પાડવામાં આવ્યો હતો.
જ્યારે દારૂ અંગેના ચોથા દરોડામાં મોરબીના માધાપર શેરી નં ૨૦ માંથી આરોપી સાહિલ હિતેશભાઈ વિઠલાપરા (ઉ.વ.૨૨ રહે માધાપર શેરી નં.૧૨ મોરબી) વાળાને સિગ્નેચર રેર એઝેડ ની એક બોટલ જેની કી. રૂ.૩૦૦ ના મુદામાલ સાથે ઝડપી પાડી કાર્યવાહી હાથ ધરી હતી.
