મોરબીમાં દ્વિચક્રી વાહનોની ઉઠાંતરી કરતી ગેંગ ફરી સક્રિય થઇ ! :જેલ રોડ પાસેથી થઈ બાઈકની ચોરી

શહેરમાં જાહેર સ્થળો પરથી વાહનો ચોરી થાય તેવી સેંકડો ઘટનાઓ બની છે.મોરબીનાં જેલ રોડ પાસેથી બાઈક ચોરી થવાની ઘટના સામે આવી છે.

મળતી માહિતી અનુસાર, ગત તા.૨૬/૦૯/૨૦૨૨ ના સાંજના સમયે ફરિયાદી ભીમજીભાઇ રાજેશભાઇ ડાભી નામનો ૨૯ વર્ષીય યુવાને પોતાનું GJ-03-ED-0733 નંબરનું બ્લેક કલરનુ હીરો હોન્ડા કંપનીનું CD ડીલકસ બાઈક મોરબી જેલ રોડ પર બિરાજ સાડીનો શો રૂમ પાસે પાર્ક કર્યું હતું. જ્યાંથી કોઈ અજાણ્યો શખ્સ તેની બાઈક લઇને ફરાર થઈ જતા ફરિયાદીએ આસપાસના વિસ્તારમાં તપાસ કરી પરંતુ તેને તેની બાઈક ન મળતા આખરે ફરિયાદીએ મોરબી સીટી એ ડિવીઝન પોલીસ સ્ટેશનમાં ફરિયાદ નોંધાવી છે. જેને લઇ પોલીસે આઇ.પી.સી. કલમ-૩૭૯ મુજબ ગુનો નોંધી આગળની કાર્યવાહી હાથ ધરી છે.