મોરબી જિલ્લામાં છેલ્લા કેટલાય સમયથી યુવાધનને બરબાદ કરનાર ક્યાક દારૂની રેલમછેલ તો ક્યાંક ડ્રગ્સની હેરાફેરી તો ક્યાંક ઇ-સિગારેટનું રેકેટ પકડાઈ રહ્યું છે. આ તમામ પાસાને ધ્યાનમાં લઈ શહેર પોલીસ દ્વારા સતત કાર્યવાહી કરવામાં આવી રહી છે, ત્યારે માળીયા મી. પોલીસે પીપળીયા ચાર રસ્તાથી મોટા દહીસરા જવાના રસ્તે આવતા એક ખેતરમાંથી વિદેશી દારૂનો જથ્થો ઝડપી પાડ્યો છે.
મળતી માહિતી અનુસાર, માળીયા મી. પોલીસની ટીમ ગઈકાલે પેટ્રોલિંગમાં હતી. ત્યારે તેઓને બાતમી મળી હતી કે, પીપળીયા ચાર રસ્તાથી મોટા દહીસરા જવાના રસ્તે રોડ ઉપર આવતી આઇમાત રાજસ્થાની હોટલની પાછળ આવેલ એક ખુલ્લા ખેતરમા વિદેશી દારૂનો જથ્થો વેચાણ અર્થે છુપાડવામાં આવ્યો છે. જે હકીકતના આધારે પોલીસે સ્થળ પર રેઇડ કરી વિદેશી દારૂની જુદી જુદી બ્રાન્ડની ૫૫ બોટલનાં રૂ.-૨૪,૫૦૦/- તથા રૂપીયા.૫૦૦૦/-ની કિંમતનો એક એપલ કંપનીનો આઇફોન 6S+ મોબાઇલ મળી કુલ રૂ.૨૯,૫૦૦/-નો મુદ્દામાલ કબ્જે કર્યો છે. અને પ્રતીપાલસિંહ અનીરૂધ્ધસિંહ ઝાલા (રહે-મોટા દહિસરા તા-માળીયા મી જી-મોરબી મુળ રહે.લીંબળી કર્મચારી નગર સોસાયટી તા.લીંબળી જી.સુરેન્દ્રનગ) નામના શખ્સને મુદ્દામાલ સાથે પકડી પાડી જેલ હવાલે કર્યો છે.
