વાંકાનેરમાં કતલખાને લઈ જવાતી નવ ભેંસોને બચાવતી વાંકાનેર સીટી પોલીસ

વાંકાનેરના રાતીદેવળી ગામેથી આઇસર માલવાહકમાં ખીચોખીચ ભરેલ ૦૯ ભેંસોને કતલખાને લઇ જવાતા વાંકાનેર સીટી પોલીસે રંગે હાથ પકડી પાડી એક શખ્સની અટકાયત કરી છે.

મળતી માહિતી અનુસાર, વાંકાનેર સીટી પોલીસની ટીમ ગઈકાલે રાત્રીના પેટ્રોલિંગમાં હતી. ત્યારે રાતીદેવળી ગામે આવી રહેલ GJ-36-T-8929 નંબરની આઇસર માલવાહકને શંકાના આધારે ઉભું રાખી તલાશી લેતાં તેમાંથી ૦૯ ભેંસો ભેંસો મોતને વશ થઇ જાય તેવી અવસ્થામાં પગ તથા મોઢુ દોરડાથી હલનચલન કરી શકે નહિ તે રીતે કુરતાથી બાંધેલી હાલતમાં મળી આવી હતી. તેમજ ભેંસો માટે ઘાસચારા કે પીવાના પાણીની સગવડ રાખ્યા વગર ગેરકાયદેસર હેરફેર કરતા ટંકારા G.E.B.પાછળ રહેતો શૈલેષભાઇ જીણાભાઇ સિધવ મળી આવતા પોલીસે તેની અટકાયત કરી આગળની કાર્યવાહી હાથ ધરી છે.