ગુજરાતમાં દારૂબંધી હોવા છતાં બુટલેગરો વિવિધ કીમિયા અપનાવીને દારૂનો જથ્થો ગુજરાતમાં ઘુસાડી વેચાણ કરતા હોય છે. ત્યારે આવી દારૂની હેરાફેરી રોકવા પોલીસ ટીમો સતત કાર્યરત છે. ટંકારા પોલીસે ગઈકાલે મોરબીનાકા પાસે દેવીપુજક વાસમાથી એક શખ્સને વિદેશી દારૂના જથ્થા સાથે ઝડપી પાડી કાયદેસરની કાર્યવાહી હાથ ધરી છે.
મળતી માહિતી અનુસાર, ટંકારા પોલીસની ટીમ ગઈકાલે પેટ્રોલિંગમાં હતી. ત્યારે તેઓએ ગત રોજ બપોરના સમયે મોરબીનાકા પાસે દેવીપુજક વાસમા શંકાસ્પદ જણાતા એક શખ્સને રોકી તેની પૂછપરછ કરતા શંકા વધુ ગાઢ થતા તેની તપાસ કરતા આરોપી દિપકભાઇ જેસીંગભાઇ કુંઢીયા (રહે- ટંકરા દે.પુ.વાસ તા.ટંકારા જી.મોરબી) તેની પાસે રહેલ એક પ્લાસ્ટિકની થેલીમાથી ઇગ્લીશ દારૂની MCDOWELLS-NO-1 કલેકશન વ્હીસ્કીની ૦૩ બોટલો મળી આવતા પોલીસે ત્રણ બોટલોનો રૂ. ૯૦૦/-નો મુદ્દામાલ કબ્જે કરી આરોપીની અટકાયત કરી છે.
