IPL 2023 ની ફાઇનલ મેચ આજે 28 મે ચેન્નાઇ સુપર કિંગ્સ અને ગુજરાત ટાઇટન્સ વચ્ચે યોજાશે. ગુજરાતે ક્વોલિફાયર-2 મેચમાં મુંબઈ ઈન્ડિયન્સને 62 રને હરાવીને ફાઇનલમાં પ્રવેશ મેળવ્યો છે. આ સાથે જ CSKએ ક્વોલિફાયર-1માં ગુજરાત ટાઇટન્સને 15 રનથી હરાવીને ટાઇટલ મેચમાં પ્રવેશ કર્યો હતો.બંને ટીમો વચ્ચેની મેચ ભારતીય સમય અનુસાર સાંજે 7.30 વાગ્યાથી અમદાવાદના નરેન્દ્ર મોદી સ્ટેડિયમમાં રમાશે.
આ મેચમાં ગુજરાત ટાઇટન્સનું સુકાન હાર્દિક પંડ્યાના હાથમાં રહેશે જ્યારે એમએસ ધોની ચેન્નાઈ સુપર કિંગ્સનું નેતૃત્વ સંભાળશે. ટૂંક સમયમાં 42 વર્ષનો થવા જઈ રહેલો ધોની કદાચ છેલ્લી વખત પીળી જર્સીમાં જોવા મળશે. ધોનીએ ક્વોલિફાયર-1 પછી કહ્યું હતું કે તે આગામી આઈપીએલ સીઝન વિશે અત્યારે કંઈ કહી શકે નહીં કારણ કે તેના વિશે વિચારવા માટે 8-9 મહિના બાકી છે. ભલે ગમે તે હોય, ધોની પાંચમી વખત IPL ટાઈટલ જીતીને CSK ચાહકોને એક ખાસ ભેટ આપવા માંગશે. જો ધોની ફાઈનલ મેચ જીતશે તો સૌથી વધુ પાંચ આઈપીએલ ટાઈટલ જીતવાના મામલે તે રોહિત શર્માની બરાબરી કરશે.
વર્તમાન સિઝનમાં શુભમન ગિલે 16 મેચમાં 60.78ની એવરેજથી 851 રન બનાવ્યા છે, જેમાં ત્રણ સદી સામેલ છે. દીપક ચહરનો સ્વિંગ કે રવિન્દ્ર જાડેજાની વિકેટ-ટુ-વિકેટ બોલિંગ. મોઈન અલીનો બોલ ઓફ-સ્ટમ્પ બહાર જતો હોય કે મથિશા પથિરાનાનો બોલ સીધા પગ પર પડતો હોય, ટેકનિકલ-સમૃદ્ધ ગિલની એકાગ્રતા કયા બોલ પર ખલેલ પહોંચશે તે કોઈ જાણતું નથી.
એમએસ ધોનીના ચાહકો તેમના મનપસંદ ખેલાડીને આવતા વર્ષે ફરીથી રમતા જોવા માંગશે. ધોનીએ આઈપીએલની આખી સિઝન ડાબા ઘૂંટણ પર પટ્ટી બાંધીને રમી છે, તેથી તેના માટે આગામી સિઝનમાં ફરીથી રમવું મુશ્કેલ છે. ધોની મોટાભાગની મેચોમાં આઠમા નંબર પર બેટિંગ કરવા ઉતર્યો છે, પરંતુ તેણે તુષાર દેશપાંડે જેવા બિનઅનુભવી બોલરો અને શિવમ દુબે જેવા યુવા બેટ્સમેનોને ઘણો આત્મવિશ્વાસ આપ્યો છે.
બીજી તરફ, ગુજરાત ટાઇટન્સ પાસે હાર્દિક પંડ્યાના રૂપમાં એવો સુકાની છે, જેણે પોતાની ટીમને સતત બીજી વખત ફાઇનલમાં પહોંચાડી છે. હાર્દિકનું માનવું છે કે ટીમની કેપ્ટનશિપ કરવાનો એક જ રસ્તો છે જે તેણે ધોની પાસેથી શીખ્યો છે. ગુજરાત માટે બોલિંગમાં મોહમ્મદ શમી (28 વિકેટ), રાશિદ ખાન (27 વિકેટ) અને મોહિત શર્મા (24 વિકેટ)એ પોતાનું કામ સારી રીતે કર્યું છે. તે જ સમયે, ગિલ સિવાય હાર્દિક પંડ્યાએ બેટિંગમાં 325 રન બનાવ્યા છે.
ગુજરાત ટાઇટન્સ સ્ક્વોડ
રિદ્ધિમાન સાહા (wk), શુભમન ગિલ, સાઇ સુદર્શન, હાર્દિક પંડ્યા (c), વિજય શંકર, ડેવિડ મિલર, રાહુલ તેવટિયા, રાશિદ ખાન, મોહિત શર્મા, નૂર અહેમદ, મોહમ્મદ શમી, જોશુઆ લિટલ, શ્રીકર ભરત, શિવમ માવી, ઓડિયન સ્મિથ, આર. સાઈ કિશોર, પ્રદીપ સાંગવાન, મેથ્યુ વેડ, જયંત યાદવ, દાસુન શનાકા, અભિનવ મનોહર, અલઝારી જોસેફ, દર્શન નલકાંડે, ઉર્વીલ પટેલ, યશ દયાલને કમાન અપાઈ છે.
જ્યારે ચેન્નાઈ સુપર કિંગ્સ ટીમમાં
ઋતુરાજ ગાયકવાડ, ડેવોન કોનવે, શિવમ દુબે, અજિંક્ય રહાણે, અંબાતી રાયડુ, એમએસ ધોની (સી/wk), રવિન્દ્ર જાડેજા, મોઈન અલી, દીપક ચાહર, તુષાર દેશપાંડે, મહેશ તિક્ષ્ણ, મતિષા પાથિરાના, મિશેલ સંતહુ સેનાપતિ, શેખ રાશિદ, આકાશ સિંહ, બેન સ્ટોક્સ, ડ્વેન પ્રિટોરિયસ, સિસાંડા મગાલા, અજય યાદવ મંડલ, પ્રશાંત સોલંકી, સિમરજીત સિંહ, રાજવર્ધન સિંહ હંગરગેકર, ભગત વર્મા, નિશાંત સિંધુ ને કમાન આપવામાં આવી છે.
આ ફાઈનલ આઇપીએલ મેચને લઈને ક્રિકેટ રસિકોમાં ભારે રોમાંચ જોવા મળી રહ્યો છે તો બીજી બાજુ ક્રિકેટ સટ્ટામાં બુકી બજારમાં પણ ગુજરાત ટાઇટન્સ હોટ ફેવરીટ માનવામાં આવી રહ્યું છે.
