રાજકોટ મોરબી રોડ પર સર્જાયો ગમખ્વાર અકસ્માત : પુરપાટ ઝડપે આવતી કારે બીજી કારને ટક્કર મારતા એક ઈજાગ્રસ્ત

રાજકોટ મોરબી રોડ પરથી વધુ એક ગમખ્વાર અકસ્માતની ઘટના સામે આવી છે. જેમાં પુરપાટ ઝડપે આવતી કારે બીજી કારને ટક્કર મારતા ગમખ્વાર અકસ્માત સર્જાયો હતો. તેમજ બનાવમાં એક કાર ચાલક ગંભીર રીતે ઘવાતા તેને સારવાર અર્થે હોસ્પિટલ ખસેડવામાં આવ્યો છે.

મળતી માહિતી અનુસાર, રાજકોટ મોરબી રોડ પર ટંકારા પાસે આવેલ 12 નાલા પાસે વહેલી સવારે ગમખ્વાર અકસ્માત સર્જાયો છે. જેમાં રાજકોટ તરફથી આવતી ફોરવિલ હાઈવેની રોંગ સાઈડમાં ધુસી સામેથી આવતી વેગનઆર સાથે ધડાકાભેર અથડાવી અકસ્માત સર્જાયો હતો. ત્યારે બનાવને પગલે વેગનઆર ચાલક કારમાં ફસાયેલ હોય તેને તાત્ત્કાલિક આજુબાજુના લોકોએ દોડી આવી ચાલકને બહાર કાઢ્યો હતો. ત્યારે ચાલકને પગના ભાગે ગંભીર ઇજા થતા સારવાર માટે હોસ્પિટલમાં ખસેડાયા હતા.