મોરબી તાલુકાની પાનેલી પ્રાથમિક અને માધ્યમિક શાળામાં શિક્ષણ અને સુરક્ષા ના સમન્વય સમો SPC યોજના અંતર્ગત કાર્યક્રમ યોજવામાં આવ્યો. જેમા દીપ પ્રાગટ્ય દ્વારા કાર્યક્રમનો શુભારંભ કરવામાં આવ્યો. તેમજ ભારતીય સંસ્કૃતિ મુજબ અભિનય ગીત-સંગીત સાથે પુસ્તક અર્પણ કરી મહાનુભાવ રેન્જ આઇજી તથા મોરબી જિલ્લા પોલીસ વડા નું સન્માન અનુક્રમે મોરબી જિલ્લા પ્રાથમિક શિક્ષણાધિકારી પી.વી.અંબારીયા તથા મોરબી જિલ્લા નાયબ પ્રાથમિક શિક્ષણાધિકારી ડી.આર.ગરચર સાહેબ દ્વારા કરવામાં આવ્યુ.
રાજકોટ રેન્જ આઇજી અશોકકુમાર યાદવ તથા મોરબી જિલ્લાના પોલીસ વડા રાહુલ ત્રિપાઠી દ્વારા શાળાના બાળકો સાથે સીધો સંવાદ કરવામાં આવ્યો. જેમાં બાળકો ના જીવન ઘડતર તથા વ્યક્તિત્વ વિકાસ, સોશિયલ મિડિયા અંગે અવેરનેશ, મહિલા સુરક્ષા તથા IAS અને IPS માં કરીયર કેવી રીતે બનાવવુ તે અંગે માર્ગદર્શન પુરુ પાડવામાં આવ્યુ. આ સાથે શાળાના તમામ શિક્ષક સ્ટાફ સાથે કેટલીક હળવી પળો માણવાની સાથે તમામ શિક્ષક સ્ટાફને માર્ગદર્શન પણ આપ્યુ. આમ, ભવ્યતાભેર આ કાર્યક્રમની ઉજવણી કરવામાં આવી. જેનો અનેરો ઉત્સાહ શાળાનાં તમામ બાળકોમાં જોવા મળ્યો.
