મોરબીમાં વિદેશી દારૂનો વેપલો ચાલવતા ઈસમો પકડાવવાનો સિલસિલો યથાવત રહ્યો છે. ત્યારે ગઈકાલે મોરબી સીટી એ ડિવીઝન પોલીસે બાતમીનાં આધારે સોની બજાર દરીયાલાલ શેરીની સામેની શેરીમાં રહેણાંક મકાનમાં રેઈડ કરી હતી અને સ્થળ પરથી વિદેશી દારૂનો જંગી જથ્થો ઝડપી પાડ્યો હતો. જયારે આરોપી સ્થળ પર હાજર મળી ન આવતા તેને પકડવા ચક્રો ગતિમાન કરવામાં આવ્યા છે.
મળતી માહિતી અનુસાર, મોરબી સીટી એ ડિવીઝન પોલીસની ટીમ દ્વારા બાતમીનાં આધારે મોરબીના સોની બજાર દરીયાલાલ શેરીની સામેની શેરીમાં જુબેર ઉર્ફે બબુડો મહેબુબભાઇ ઘાંચીના મકાન (વખાર) મા રેઈડ કરવામાં આવી હતી. અને સ્થળ પરથી ગેરકાયદેસર પાસ પરમીટ કે આધાર વગર શાકભાજીના મકાનમા છુપાડેલ ભારતીય બનાવટની વિદેશી દારૂની રૂ.23,400/-ની કિંમતની રોયલ ચેલેન્જ ફાઇન રીઝર્વ વહીસ્કીની 45 બોટલ તથા રોયલ સ્ટગ બારેલ સીલેકટ વ્હીસ્કીની રૂ.11,400 /-ની કિંમતની 38 બોટલ મળી કુલ રૂ.34,800/- નો મુદ્દામાલ કબ્જે કર્યો છે. જયારે આરોપી હાજર નહિ મળી આવતા તેની શોધખોળ હાથ ધરી તેના વિરૂદ્ધ ફરિયાદ દાખલ કરવામાં આવી છે.
