હળવદ તાલુકાના રણજીતગઢ પાટિયા પાસે વહેલી સવારે તેલ ભરેલા ટેન્કરમાં આગ ભભૂકી

હળવદ તાલુકાના રણજીતગઢ પાટિયા પાસે આજે વહેલી સવારે તેલ ભરેલા ટેન્કરમાં આગ ભભૂકી હતી. જેને લઇ ફાયર વિભાગે ઘટનાસ્થળે પહોંચી એક કલાકની ભારે જહેમત બાદ આગ પર કાબુ મેળવ્યો હતો.

મળતી માહિતી અનુસાર, હળવદ તાલુકાના રણજીતગઢ પાટિયા પાસેથી આજે વહેલી સવારે એક તેલ ભરેલા ટેન્કર પસાર થઈ રહ્યું હતું. ત્યારે ડ્રાઇવરે સ્ટેરીંગ પરથી કાબુ ગુમાવતા ટેન્કર રણજીતગઢ પાટીયા નજીક આવેલ કેનાલ પાસે નાલા સાથે ધડાકાભેર અથડાયું હતું. જેના કારણે ટેન્કરમાં આગ ભભૂકી જવા પામી હતી. ત્યારે બનાવની જાણ થતા જ હળવદ પોલીસ તથા ફાયર ફાઈટર સ્ટાફ ધટના સ્થળે પહોંચ્યો હતો અને ફાયર ફાઇટરોએ આગ પાર પાણીનો મારો ચલાવી એક કલાકની ભારે જહેમત બાદ આગ પર કાબુ મેળવ્યો હતો. જેને લઇ સદનસીબે જાનહાનિ ટળી હતી.