મોરબીમાં વિદેશી દારૂ ઝડપાવવાનો સિલસિલો યથાવત રહ્યો છે. મહેંદ્રનગર ચાર રસ્તા પાસે મોરબી સીટી બી ડિવિઝન પોલીસે એક ઈસમને તથા હળવદનાં સરા નાકા પાસેથી હળવદ પોલીસની ટીમે એક ઈસમને પકડી પાડ્યો છે. જયારે એક ઈસમ ફરાર થઇ જતા તેને પકડવા ચક્રો ગતિમાન કરવામાં આવ્યા છે.
પ્રથમ દરોડામાં, મોરબી સીટી બી ડિવિઝન પોલીસે બાતમીનાં આધારે મહેંદ્રનગર ચાર રસ્તા પાસે રેઇડ કરી હરેશભાઇ પ્રાણજીવનભાઇ રૂપાલા (રહે-આંદરણા તા.જી.મોરબી) નામના શખ્સને વિદેશી ઇંગ્લીશ દારૂની રોયલ ચેલેંજ પ્રીમીયમ ડીલક્ષ વ્હીસ્કીની રૂ.૫૨૦ /-ની કિંમતની એક બોટલ સાથે પકડી પાડી કાયદેસરની કાર્યવાહી હાથ ધરી છે.
બીજા દરોડામાં, હળવદ પોલીસની ટીમે બાતમીના આધારે હળવદનાં સરા નાકા પાસે રેઈડ કરી અજયભાઇ ચંદુભાઇ ગડેશીયા (રહે.નવા દેવળીયા તા-હળવદ જી-મોરબી) નામના શખ્સને રોકી તેની હોન્ડા કંપનીના એક્ટીવા મોટરસાઇકલમાં તપાસ કરતા એક્ટિવામાંથી વિદેશીદારૂની McDowell’s No.1 COLLECTION ORIGINALની રૂ.૩૦૦/-ની કિંમતની એક બોટલ મળી આવી હતી. જેથી પોલીસે આરોપીની અટકાયત કરી એક્ટિવા સહીત કુલ રૂ.૩૫,૩૦૦/-નો મુદ્દામાલ કબ્જે કર્યો છે. તેમજ આરોપીની પૂછપરછ કરતા તેને આ માલ નીલેશભાઇ સુરેલા પાસેથી લીધું હોવાનું સામે આવતા પોલીસે તેને પકડવા ચક્રો ગતિમાન કર્યા છે.
