ટંકારાનાં બંગાવડી ગામે પુરપાટ ઝડપે જતી સ્કોર્પિયો કારે મોટરસાઈકલને હડફેટે લેતા મોટરસાઈકલ સવાર બે લોકોના ઘટનાસ્થળે જ મોત નિપજ્યા હતા. જયારે સ્કોર્પિઓ ચાલક અકસ્માત સર્જી ફરાર થઈ જતા સમગ્ર મામલે ટંકારા પોલીસ સ્ટેશનમાં ફરિયાદ દાખલ કરવામાં આવી છે.
- Advertisement -
- Advertisement -
મળતી માહિતી અનુસાર, જામનગરનાં ભાદરા ગામે રહેતા સુરેશભાઈ પરમારનાં પિતા નાગજીભાઇ ટપુભાઇ પરમાર ગઈકાલે સવારના સમયે સુરેશભાઈના કુટુબી ભાઈ પરસોતમભાઇ ઉગાભાઇ પરમાર સાથે બંગાવડી ગામે આવેલ રામદેવ હોટલ પાસેથી પસાર થઇ રહ્યા હતા. ત્યારે ટંકારા જામનગર રોડ ઉપરથી પસાર થતી વેળાએ પુર ઝડપે અને ગફલત ભરી રીતે આવતી GJ-36-AC-2360 નંબરની સ્કોર્પીયો કારના ચાલકે મોટરસાઈકલને હડફેટે લેતા મોટરસાઈકલ સવાર બંને લોકોના મોત નિપજ્યા હતા. જે સમગ્ર મામલે મૃતકના પુત્ર દ્વારા ટંકારા પોલીસ સ્ટેશનમાં ફરિયાદ દાખલ કરાવવામાં આવી છે.
