મોરબીમાં હિટ એન્ડ રનની વધુ એક ઘટના સામે આવી છે. જેમાં મોરબી તાલુકાના જુના રફાળેશ્વર રોડ ઉપર જામ્બુડીયા ગામની સીમમા પુરપાટ ઝડપે જતા ટ્રકે યુવકને હડફેટે લેતા યુવકનું ગંભીર ઈજાઓ પહોંચાડવાના કારણે મોત નીપજ્યું હતું. જયારે આરોપી વાહન લઈ ફરાર થઈ જતા સમગ્ર મામલે મોરબી તાલુકા પોલીસ સ્ટેશનમાં ફરિયાદ નોંધાઈ છે.
મળતી માહિતી અનુસાર, મોરબીનો ખોડીદાસ વિનોદભાઇ કાવર નામનો યુવક ગત તા.૦૭/૧૧/૨૦૨૩ ના સવારના સમયે મોરબી તાલુકાના જુના રફાળેશ્વર રોડ ઉપર જામ્બુડીયા ગામની સીમમા મલેનિયમ પેપરમીલ પાસે આરસીસી રોડ ઉપરથી પસાર થઇ રહ્યો હતો. ત્યારે GJ-12-AT-6658 નંબરનાં ટ્રકના ચાલકે પોતાનું ટ્રક પુરપાટ ઝડપે ચલાવી ખોડીદાસ વિનોદભાઇ કાવર રોડ ક્રોસ કરતો હતો તે વખતે હડફેટે આવી જતા તેની ઉપર ટ્રકનુ ટાયર ફરી જતા તેને શરીરે કમરના ભાગે ગંભીર ઇજા થતા મોત નિપજાવી આરોપી પોતાના હવાલાવાળો ટ્રક સ્થળ ઉપરથી લઇ નાશી જતા સમગ્ર મામલે મોરબી તાલુકા પોલીસ સ્ટેશનમાં ફરિયાદ નોંધાઈ છે,
