વાંકાનેરના ઢુવા ચોકડી નજીક મોબાઈલની દુકાનમાં તસ્કરો ત્રાટક્યા

પ્રાપ્ત વિગતો અનુસાર મોરબીનાં ધૂનડા રોડ પર આવેલ ચિત્રકૂટ સોસાયટીમાં રહેતા ધનસુખભાઈ નાથાભાઈ ભીમાણીએ વાંકાનેર તાલુકા પોલીસમાં ફરિયાદ નોંધાવી છે કે તેની ઢુવા ચોકડી નજીક આવેલ પટેલ પાન એન્ડ મોબાઈલની દુકાનમાંથી કોઈ અજાણ્યા ઇસમો દુકાનનું શટર વચ્ચેથી ઉચું કરી દુકાનમાં પ્રવેશ કરી દુકાનમાં રાખેલ અલગ અલગ કંપનીના નવા મોબાઈલ નંગ-૨૭ કિંમત રૂ.૪,૨૩,૭૯૩ ની ચોરી કરી લઇ ગયા હોવાની ફરિયાદ વાંકાનેર તાલુકા પોલીસમાં નોંધાઈ છે પોલીસે બનાવની ફરિયાદ નોંધી તસ્કરોને પકડવા તજવીજ હાથ ધરી છે.