માળીયા મીં.માં રોહીશાળા ગામથી ખાખરેચી બાજુના રેલ્વે ટ્રેક પર ટ્રેન હડફેટે આવી જતા યુવકનું મોત

માળીયા મીં.માં રોહીશાળા ગામથી ખાખરેચી બાજુના રેલ્વે ટ્રેક પર ટ્રેન હડફેટે આવી જતા અજાણ્યો પુરુષ કપાઈ ગયો હતો. જે સમગ્ર મામલે માળિયા મી. પોલીસ સ્ટેશનમાં અકાળે મોતની નોંધ કરવામાં આવી છે. અને યુવકની ઓળખ મેળવવા કવાયત હાથ ધરવામાં આવી છે.

મળતી માહિતી અનુસાર, માળિયા મી. નાં રોહીશાળા ગામથી ખાખરેચી બાજુના રેલ્વે ટ્રેક નંબર ૬૮૧ પાટા પાસે ગઈકાલે બપોરે કોઈ અજાણ્યા પુરુષનો કપાયેલ હાલતમાં મૃતદેહ મળી આવ્યો હતો. જેમાં આશરે ૩૫ થી ૪૦ વર્ષિય આ અજાણ્યા પુરુષનું કોઇ પણ કારણોસર રેલ્વે ની અડફેટે આવતા માથાના ભાગે તથા શરીરે ઇજા થતા મોત નિપજ્યાનું હાલ જાણવા મળી રહ્યું છે. ત્યારે સમગ્ર મામલે માળીયા મીં. પોલીસની ટીમે અકાળે મોતની નોંધ કરી છે. અને આ યુવક કોણ છે તે દિશામાં તપાસ હાથ ધરી છે.