ટંકારા પોલીસ ટીમે વાહન ચેકીંગ કામગીરી દરમિયાન એકટીવા મોટર સાયકલમાં વિદેશી દારૂની ૬ બોટલ સાથે નીકળેલ બે શખ્સોની અટક કરી હતી. પકડાયેલ આરોપીની પ્રાથમિક પૂછપરછમાં વિદેશી દારૂનો જથ્થો જેની પાસેથી મેળવ્યો હોય તેનું નામ ખુલતા ટંકારા પોલીસે એકટીવા તથા દારૂનો જથ્થો કબ્જે લઇ કુલ ત્રણ આરોપીઓ સામે ગુન્હો રજી. કરી કાયદેસરની કાર્યવાહી હાથ ધરી છે.
મળતી માહિતી અનુસાર ટંકારા પોલીસ ટીમ નગરનાકા વિસ્તારમાં વાહન ચેકિંગની કામગીરીમાં હતા તે દરમિયાન ત્યાંથી એકટીવા રજી. જીજે-૩૬-એઇ-૩૪૮૫ ત્યાંથી પસાર થતા તેને રોકી તલાસી લેતા એકટીવમાં સવાર ખોડા જશુભાઇ વરાણિયા ઉવ.૨૩ રહે.ત્રાજપરગામ, ત્રાજપર ચોકડી ટી.કે. હોટલ પાસે મોરબી, તથા સાગર રમેશભાઇ સિચણાદા ઉવ.૩૧ રહે.મોરબી સામાકાઠે પરશુરામ પોટરી શેરી નંબર-૦૬ પાસેથી કાપડના થેલામાં વિદેશી દારૂની રોયલ ચેલેન્જ વ્હિસ્કીની ૬ બોટલ ઝડપાયી હતી. આ સાથે પકડાયેલ બંને આરોપીઓની સઘન પૂછપરછમાં વિદેશી દારૂનો જથ્થો આરોપી જયદીપ ઉર્ફે જયુ બેચરભાઇ ચાઉ રહે.મોરબી સો-ઓરડી પાસેથી મેળવ્યો હોવાની કબૂલાત આપતા પોલીસે ત્રણેય આરોપી સામે કેસ દાખલ કરી ધોરણસરની કાર્યવાહી હાથ ધરી છે.
