મોરબીના વાઘપરા શેરી નં ૧૭ ના નાકા પાસેથી વિદેશી દારૂની અલગ અલગ બ્રાન્ડની ૧૧ બોટલ સાથે આરોપી ઉમેશભાઈ મગનભાઈ ડાંગર ઉવ.૩૩ રહે લખધીરવાસ શેરી નં.૩ મોરબી, મહેશભાઈ જવેરભાઈ લખવાણી ઉવ.૩૧ રહે રાધા પાર્ક વાવડી રોડ મોરબીને ઝડપી લેવામાં આવ્યા હતા. મોરબી એ ડિવિઝન પોલીસે વિદેશી દારૂનો જથ્થો જપ્ત કરી બંને આરોપીઓ વિરુદ્ધ પ્રોહી.એક્ટ હેઠળ ગુન્હો નોંધી ધોરણસરની કાર્યવાહી હાથ ધરી છે.
વાંકાનેર:જુના ખંડેરમાં બાવળની કાંટમાંથી ૧૬૦ લીટર દેશી દારૂનો જથ્થો ઝડપાયો:આરોપી ફરાર
વાંકાનેર સીટી પોલીસ સ્ટાફ પેટ્રોલિંગમાં હોય ત્યારે ખાનગી રાહે બાતમી મળેલ કે વાંકાનેરના વિસીપરામાં રહેતો રહીમ રાયધનભાઈ મોવર ધમલપર-૦૧ જુના ખંડેરમાં બાવળની કાંટમાં દેશી દારૂનો જથ્થો રાખી તેનું વેચાણ કરતો હોવાની મળેલ બાતમીને આધારે દરોડો પાડી તપાસ કરતા સ્થળ ઉપરથી ૧૬૦ લીટર દેશી દારૂનો જથ્થો મળી આવ્યો હતો. જયારે દરોડા દરમિયાન આરોપી રહીમભાઇ રાયધનભાઇ મોવર રહે. વાંકાનેર વીસીપરા હાજર નહિ મળતા તેને ફરાર દર્શાવી અટક કરવા સહિતની તપાસની તજવીજ હાથ ધરી છે.
