મોરબી જિલ્લામાં દારૂની બદીને અટકાવવા માટે પોલીસ અધિક્ષક રાહુલ ત્રિપાઠીએ સૂચનાઓ આપી છે. જેને ધ્યાને લઈ મોરબી શહેર અને જિલ્લા પોલીસ સતર્ક થઇ ગઇ છે. ત્યારે ગઇકાલે ટંકારા પોલીસ દ્વારા છત્તર ચેક પોસ્ટ પાસેથી વિદેશી દારૂ ભરેલ અલ્ટો ગાડી ઝડપી પાડી કાયદેસરની કાર્યવાહી હાથ ધરી છે.
મળતી માહિતી અનુસાર, ટંકારા પોલીસ ટીમ છત્તર ચેક પોસ્ટ એ વાહન ચેકીગમા હોય તે દરમ્યાન પોલીસ કોન્સ્ટેબલ કૃષ્ણરાજસિંહ ઝાલા અને અકિલભાઈ બાંભણિયાને ખાનગી રાહે હકિકત મળેલ કે, મિતાણા તરફથી એક GJ-10-BG-8952 નંબરની અલ્ટો ગાડી આવી રહી છે. જેમાં ઇગ્લીશ દારૂ ભરેલ છે અને આ ગાડી છત્તર ચેક પો.સ્ટ.તરફ આવે છે તેવી ચોક્ક્સ બાતમીનાં આધારે હકીકત વાળી ગાડી નીકળતા તેને રોકી તેમાં તપાસમાં ગાડીમાંથી ભારતીય બનાવટની ઇગ્લીશ દારૂની રૂ.50,400 ની કિંમતની ALL SEASONS GOLD COLLECTION RESERVE WHISKYની 84 બોટલો તથા MCDOWELLLS NO-01 DELUXE WHISKYની કુલ ૪૮ બોટલનો રૂ. ૧૮,૦૦૦/-નો મુદ્દામાલ મળી આવતા પોલીસે દારૂ તથા રૂ.૭૦,૦૦૦/-ની કિંમતની અલ્ટો ગાડી મળી કુલ મુદ્દામાલ રૂ.૧,૩૮,૪૦૦/- સાથે આરોપી ભરતભાઇ રાવતભાઇ ડવ (રહે.રાજકોટ કોઠારીયા મેઇન રોડ કેદારગેટ શેરી નં.૦૮ રાજકોટ)ની અટકાયત કરી તેના વિરૂધ્ધ પ્રોહિ ધારા મુજબ ધોરણસર કાર્યવાહી હાથ ધરી છે.
