વાંકાનેરના ડીવાયએસપી એસ.એચ.સારડા તથા સી.પી.આઇ. વી.પી.ગોલ દ્વારા પ્રોહી/જુગાર ની અસમાજીક પ્રવૃતિ નેસ્તનાબુદ કરવા સખત સુચના આપવામાં આવેલ હોય જે અનુસંધાને કામગીરી કરતા દરમિયાન ટંકારા પોલીસ દ્વારા ટંકારા તાલુકાના હરબટીયાળી ગામેથી જાહેરમાં જુગાર રમતા ત્રણ ઈસમોને પકડી પાડી કાયદેસરની કાર્યવાહી હાથ ધરી છે.
મળતી માહિતી અનુસાર, આજરોજ ટંકારા પોલીસ સ્ટેશનની ટીમ પેટ્રોલીંગમાં હોય દરમ્યાનતેઓને ખાનગીરાહે મળેલ બાતમીનાં આધારે ટંકારા તાલુકાના ગામે હરબટીયાળી ગામે બહુચરાજી માતાજીના મંદિર પાસે રેઇડ કરતા જાહેરમાંથી ગંજી પતાના પાના વડે પૈસાની હારજીતનો તીન પતીનો રોન પોલીસનો જુગાર રમતા નારણભાઇ સીદાભાઈ ઝાપડા, રજાકભાઈ ઇશાભાઇ ઇબ્રાણી તથા અરવીંદભાઇ ધનજીભાઈ મુછડીયા નામના ઈસમો રોકડા રૂ ૧૧,૩૦૦/- ના મુદ્દામાલ સાથે મળી આવતા ત્રણેય ઇસમો વિરૂધ્ધ જુગાર ધારા કલમ-૧૨ મુજબ ગુન્હો નોંધી કાયદેસરની કાર્યવાહી હાથ ધરવામાં આવી છે.
