મોરબી સીટી એ ડિવિઝન પોલીસે બાઇક ઉપર વિદેશી દારૂની હેરાફેરી કરતા બે બુટલેગર પૈકી એકની અટક કરવામાં આવી છે, જ્યારે બાઇક પાછળ બેઠેલ ઈસમ પોલીસને જોઈ નાસી જતા પોલીસે ૧૦૦ પાઇપર્સ અને વેટ-૬૯ સ્કોચ વ્હિસ્કીની કુલ ૩૬ બોટલ તથા બાઇક સાથે એક બુટલેગરની સ્થળ ઉપરથી અટક કરવામાં આવી છે.
મળતી માહિતી અનુસાર મોરબી સીટી એ ડિવિઝન પોલીસે પૂર્વ બાતમીને આધારે લાતીપ્લોટ ૫/૬ વચ્ચેની શેરીમાં વોચમાં હોય તે દરમિયાન બાઇક રજી.નં. જીજે-૩૬-એજી-૪૩૮૩ ઉપર વિદેશી દારૂની વેચાણ કરવાના ઇરાદે નીકળેલ બે ઈસમો પૈકી એક આરોપી અબ્દુલભાઇ હાજીભાઇ શાહમદાર ઉવ.૩૮ રહે.મોરબી જુના બસ સ્ટેન્ડ પાછળ ઇદ મસ્જીદવાળો વિદેશી દારૂની ૧૦૦પાઈપર્સની ૨૪ બોટલ તથા વેટ-૬૯ની ૧૨ બોટલ જેની કુલ કિ.રૂ.૪૪,૭૦૦/-સાથે ઝડપાઇ ગયો હતો, જ્યારે બાઇક પાછળ બેસેલ આરોપી શાહરૂખ રહે.મોરબી પોલીસને જોઈ બાઇક ઉપરથી નીચે ઉતરી ભાગી છૂટ્યો હતો. સીટી એ ડિવિઝન પોલીસે બાઇક તથા વિદેશી દારૂના જથ્થા સહિત કુલ રૂ.૯૪,૭૦૦/-ના મુદ્દામાલ સાથે એક આરોપીની ધરપકડ કરી છે જ્યારે ભાગી છુટેલ આરોપીની શોધખોળ શરૂ કરી બંને આરોપીઓ સામે પ્રોહી. એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.
