મોરબી:રહેણાંક મકાન નજીકથી યુવક વિદેશી દારૂની એક બોટલ સાથે પકડાયો

મોરબીના લખધીરવાસ વિસ્તારમાં આવેલ રહેણાંક નજીકથી એક ઈસમને વિદેશી દારૂની એક બોટલ સાથે પોલીસ દ્વારા પકડી લઈ આરોપી સામે ધોરણસરની કાર્યવાહી હાથ ધરી છે.

મળતી માહિતી અનુસાર, મોરબી સીટી એ ડિવિઝન પોલીસ ટીમ પેટ્રોલિંગમાં હોય તે દરમિયાન લખધીરવાસ વિસ્તારમાં આવેલ ઝવેરી શેરીના નાકે શંકાસ્પદ હાલતમાં નીકળેલ એક શખ્સને રોકી તેની અંગ ઝડતી લેતા પેન્ટના નેફામાંથી વિદેશી દારૂ ગ્રીન લેબલ વ્હિસ્કીની એક બોટલ મળી આવી હતી, જેથી તુરંત આરોપી મહેન્દ્રભાઈ રવજીભાઈ સોલંકી ઉવ.૩૫ રહે લખધીરવાસ ઝવેરી શેરી સૌભાગ્ય ઈસ્ત્રીની દુકાનની ઉપરવાળાની અટકાયત કરવામાં આવી હતી, અને તેની વિરુદ્ધ પ્રોહી.એક્ટ હેઠળ ગુનો નોંધી આગળની તપાસ ચલાવી છે.