૨૫ વારીયા પ્લોટમાં ધમધમતી દેશી દારૂની ભઠ્ઠીએથી ૪૦૦ લીટર ઠંઠો આથો, ૫૦ લીટર દારૂ, ગેસનો ચૂલો સિલિન્ડર સહિતનો મુદ્દામાલ જપ્ત
મોરબી સીટી એ ડિવિઝન પોલીસે દલવાડી સર્કલ પાસે આવેલ ૨૫ વારીયા પ્લોટમાં રહેણાંક મકાનની ઓરડીમાં રેઇડ કરતા ત્યાં દેશી દારૂ બનાવતી ચાલુ ભઠ્ઠી ઝડપાઇ હતી, આ સાથે પોલીસે સ્થળ ઉપરથી દેશી દારૂ બનાવવા ઉપયોગમાં લેવાતો ઠંડો આથો, તૈયાર થયેલ દેશી દારૂ, સિલિન્ડર, ચૂલો સહિત દેશી દારૂ બનાવવાની સાધન સામગ્રી સહિતનો મુદ્દામાલ ઝડપી લેવામાં આવ્યો હતો, જ્યારે આરોપી રેઇડ દરમિયાન હાજર મળી ન આવતા તેને ફરાર દર્શાવી સીટી એ ડિવિઝન પોલીસ મથકમાં આરોપી વિરુદ્ધ ગુનો દાખલ કરી તેને પકડી લેવા ચક્રો ગતિમાન કર્યા છે.
મળતી માહિતી અનુસાર મોરબીની દલવાડી ચોકડી કંદક બાયપાસ પાસે આવેલ ૨૫ વારીયા પ્લોટમાં રહેણાંક ઓરડીમાં આરોપી આદિલ કટીયા દેશી દારૂ બનાવવાનો આથો નાખી ભઠ્ઠી ચલાવી દેશી પીવાનો દારૂબનાવે છે જે મુજબની બાતમી એ ડિવિઝન પોલીસ ટીમને મળતા તુરંત સ્થળ ઉપર રેઇડ કરી હતી, ત્યારે રેઇડ દરમિયાન ઉપરોક્ત સ્થળે ઓરડીમાંથી દેશી દારૂ બનાવવાનો આથો ૪૦૦ લીટર, ૫૦ લીટર દેશી દારૂ, ગેસ સિલિન્ડર, ગેસનો ચૂલો તેમજ અન્ય દારૂ બનાવવામાં ઉપયોગમાં લેવાતી સાધન સામગ્રી સહિત કુલ કિ.રૂ.૧૮,૯૦૦/-નો મુદ્દામાલ મળી આવતા તે જપ્ત કર્યો હતો, રેઇડ દરમિયાન આરોપી આદિલ યુસુફભાઈ કટીયા સ્થળ ઉપર હાજર મળી ન આવ્યો હતો જેથી પોલીસે તેને ફરાર દર્શાવી તેની વિરુદ્ધ કાયદેસરની કાર્યવાહી હાથ ધરી છે.
