મોરબી ડિટી બી ડિવિઝન પોલીસે સામાકાંઠા વિસ્તારમાં આવેલ ગુજરાત હાઉસિંગ બોર્ડમાંથી અલગ અલગ બે સ્થળોએથી વિદેશી દારૂ સાથે કુલ બે ઇસમની ધરપકડ કરવામાં આવી છે, પોલીસે પકડાયેલ બંને ઈસમો પાસેથી એક-એક વિદેશી દારૂની બોટલ કબ્જે લઈ ગુનો નોંધી કાયદેસરની કાર્યવાહી હાથ ધરવામાં આવી છે.
પ્રથમ રેઇડની મળતી માહિતી મુજબ,
મોરબી સીટી બી ડિવિઝન પોલીસ પેટ્રોલિંગમાં હોય તે દરમિયાન મોરબી-૨ ગુજરાત હાઉસિંગ બોર્ડમાં આવતા જ્યાં એક શખ્સ શંકાસ્પદ હાલતમાં થેલી લઈને ઉભો હોય જેથી પોલીસે તેને રોકી તેના કબ્જામાં રહેલ થેલીની તલાસી લેતા તેમાંથી વિદેશી દારૂ ઓલ સિઝન ગોલ્ડ કલેક્શન વ્હિસ્કીની એક બોટલ કિ.રૂ.૬૯૫/- મળી આવી હતી, જેથી આરોપી બહાદુર ગિરધારલાલ ડાભી ઉવ.૩૫ રહે. લાતીપ્લોટ શેરી નં.૪ મફતિયાપરાવાળાની સ્થળ ઉપરથી અટકાયત કરવામાં આવી હતી, જ્યારે ગુજરાત હાઉસિંગ બોર્ડ ઋષિકેશ સ્કૂલની બાજુમાંથી વિદેશી દારૂની એક બોટલ લઈ નીકળેલ આરોપી અભિષેકભાઈ મનોજભાઈ વીંધાણી ઉવ.૨૭ રહે. મોરબી-૨ ગુજરાત હાઉસિંગ બોર્ડ ઋષિકેશ સ્કૂલની બાજુમાં પાસેથી વિદેશી દારૂ ઓલ સિઝન ગોલ્ડ કલેક્શન વ્હિસ્કી કિ.રૂ.૬૯૫/- ની અટકાયત કરવામાં આવી હતી.
આ સાથે પોલીસે જુદા જુદા સ્થળોએથી બે ઇસમો પાસેથી વિદેશી દારૂની કુલ બે બોટલ કબ્જે લઈ પકડાયેલ બંને આરોપી વિરુદ્ધ પ્રોહી.એક્ટ હેઠળ ગુનો નોંધી આગળની તપાસ ચલાવી છે.
