પાટણની ધારપુર મેડિકલ કોલેજમાં રેગિંગ વિરૂદ્ધ ABVP મોરબી દ્વારા “સિગ્નેચર કેમ્પેન”

મોરબી: પાટણની ધારપુર મેડિકલ કોલેજમાં તાજેતરમાં બનેલી રેગિંગની ગંભીર ઘટનાને ધ્યાનમાં રાખીને અખિલ ભારતીય વિદ્યાર્થી પરિષદ (ABVP) મોરબી દ્વારા વિરોધ પ્રદર્શન કરવામાં આવ્યું હતું. આ બાબતે જાગૃતિ લાવવાના હેતુથી GMERS મેડિકલ કોલેજ, મોરબી ખાતે વિશાળ “સિગ્નેચર કેમ્પેન”નું આયોજન કરવામાં આવ્યું હતું.

પાટણની ધારપુર મેડિકલ કોલેજમાં રેગિંગ પ્રકરણે ABVP મોરબીના કાર્યકર્તાઓએ આ ઘટનાના વિરોધમાં પોતાની નારાજગી વ્યક્ત કરી અને ગઈકાલ તા.૨૦/૧૧ના રોજ મોરબી GMERS મેડિકલ કોલેજમાં “સિગ્નેચર કેમ્પેન”નું આયોજન કરવામાં આવ્યું હતું.