મોરબી સીટી એ ડિવિઝન પોલીસે જુના મહાજન ચોક વિસ્તારમાં પેટ્રોલિંગ દરમિયાન મોટરસાયકલ પર વિદેશી દારૂની હેરાફેરી કરતા બે બાળકિશોરોને ઝડપી પાડ્યા હતા. તેમની પાસેથી દારૂની બે બોટલ અને મોટરસાયકલ મળી રૂ.૫૦,૬૦૦/- નો મુદ્દામાલ કબજે કરવામાં આવ્યો હતો. પકડાયેલ બંને બાળકિશોરની પૂછપરછમાં મુખ્ય સપ્લાયરનું નામ ખુલતા પોલીસે તેને ફરાર જાહેર કરી ગુનો નોંધ્યો છે.
મોરબી સીટી એ ડિવિઝન પોલીસ ટીમ પેટ્રોલિંગમાં હોય ત્યારે જુના મહાજન ચોક નજીક શંકાસ્પદ હાલતમાં પસાર થતા યામાહા એફઝેડ રજી.નં. જીજે-૩૬-એડી-૧૮૩૧ મોટરસાયકલને અટકાવી તપાસ કરતા પાછળ બેઠેલા બાળકિશોરના હાથમાં રહેલી પ્લાસ્ટિકની થેલીમાંથી ૮પીએમ વ્હિસ્કીની બે બોટલ કિ.રૂ.૬૦૦/-મળી આવી હતી. જેથી પોલીસે બંને બાળકિશોરોની પૂછપરછ કરતા આ વિદેશી દારૂ વેચાણ માટે કમલેશભાઈ જુંજુવાડિયા રહે.મોરબી -૨ ઇન્દિરાનગર વાળાએ આપ્યો હોવાની કબૂલાત આપતા પોલીસે તે આરોપીને ફરાર જાહેર કર્યો હતો. હાલ પોલીસે વિદેશી દારૂ, મોટર સાયકલ સહિત કુલ રૂ.૫૦,૬૦૦/-નો મુદ્દામાલ કબ્જે લઈ પ્રોહિબિશન એક્ટ, જુવેનાઇલ જસ્ટિસ એક્ટ તથા ભારતીય ન્યાય સંહિતાની કલમો હેઠળ ગુનો નોંધી બંને બાળકિશોરો સામે જરૂરી કાર્યવાહી કર્યા બાદ તેમને તેમના વાલી-વારસને સોંપવામાં આવ્યા હતા.
