ઊંચી માંડલ નજીક કંપનીના પાર્કિંગમાંથી રૂ.૬૦ હજારના બાઈકની ચોરી

હળવદના ચરાડવા ગામના અજીતભાઈ હરીભાઈ સોલંકી ઉવ.૨૩ ઊંચી માંડલ સીમમાં આવેલી નેક્ષીયન સર્ફેસ પ્રા.લિ. કંપનીમાં નોકરી કરે છે. ગત તા.૧૩/૦૯/૨૦૨૬ના રોજ તેઓ પોતાનું સ્પ્લેન્ડર પ્લસ બાઈક રજી.નં. જીજે-૩૬-બીડી-૩૯૮૮ કિ.રૂ ૬૦ હજાર વાળું કંપનીના બહારના પાર્કિંગમાં હેન્ડલ લોક કરીને નોકરી પર ગયા હતા. જ્યાંથી બપોરે જમવા માટે પરત ફરતા બાઈક પાર્ક કારેલ જગ્યાએ જોવા ન મળતા, આજુબાજુમાં શોધખોળ કરવા છતાં બાઈક ન મળતાં પ્રથમ ઇ-એફઆઈઆર બાદ મોરબી તાલુકા પોલીસમાં ફરિયાદ નોંધાવતા પોલીસે આરોપી અજાણ્યા વાહન ચોર વિરુદ્ધ ગુનો નોંધી તપાસ હાથ ધરી છે.