મોરબીના ત્રિકોણ બાગ નજીક સૂર્યોદય કોમ્પ્લેક્ષમાં ઇલેકટ્રોનિક વસ્તુની દુકાન ધરાવતા વેપારીએ ત્રિકોણ બાગ સ્થિત પાર્કિંગમાં પોતાનું સ્પ્લેન્ડર પ્લસ બાઇક પાર્ક કર્યું હોય ત્યાંથી કોઈ ચોર ઈસમ તે બાઇકની ચોરી કરી લઈ ગયા અંગે અત્રેના સીટી એ ડિવિઝન પોલીસ મથકમાં ફરિયાદ નોંધાવવામાં આવી છે.
પ્રાપ્ત માહિતી મુજબ મોરબીના આલાપ પાર્ક રોડ ઉપર લવકુશ એપાર્ટમેન્ટ-૫૦૨ માં રહેતા અને શહેરના મધ્યમાં ત્રિકોણ બેગ પાસે આવેલ સૂર્યોદય કોમ્પ્લેક્ષમાં નેહલ સેલ્સ નામની ઇલેક્ટરોનીકસની દુકાન ધરાવતા નિલેશભાઈ મોહનભાઇ કંઝારીયા ઉવ.૫૦ તેમના નિત્યક્રમ મુજબ ગઈ તા.૨૮/૧૦ના રોજ પોતાનું હીરો કંપનીનું સ્પ્લેન્ડર પ્લસ રજી.નં. જીજે-૩૬-એ-૮૭૫૧ લઈને પોતાની ઉપરોક્ત ઇલેકટ્રોનિક દુકાને ગયા હતા ત્યારે ત્રિકોણ બાગમાં આવેલ પાર્કિંગમાં તેમને તેમનું બાઇક પાર્ક કરી પોતાની દુકાને ગયા હતા, જે બાદ સાંજે નિલેશભાઈએ બાઇક પાર્ક કરેલ જગ્યાએ આવીને જોતા તેમનું બાઇક ત્યાં જોવા ન મળતા આજુબાજુમાં બાઇક અંગે શોધખોળ કરતા મળી આવેલ ન હોય જેથી પ્રથમ ઇ એફઆઈઆર બાદ રૂબરૂ અજાણ્યા વાહન ચોર ઈસમ વિરુદ્ધ પોલીસ ફરિયાદ નોંધાવતા પોલીસે આરોપી વિરુદ્ધ ગુનો નોંધી કાયદેસરની કાર્યવાહી કરવામાં આવી છે.
