મોરબીનાં મહેન્દ્રનગર નજીક સોસાયટીમાં થયેલ ચોરી મામલે ફરિયાદ નોંધાઈ

પ્રાપ્ત વિગતો અનુસાર મોરબીના પીપળી રોડ પર આવેલ રોયલપાર્કમાં રહેતા રજનીકાંત ગંગારામભાઈ કુણપરાએ ફરિયાદ નોંધાવી છે કે તેના મકાનમાં ગત તા.૬ ના રાત્રીના સમયે ચાર અજાણ્યા ઇસમોએ લોકનાં નકુચા તોડી પ્રવેશ કરી મકાનમાં રાખેલ ચાંદીના દાગીના આશરે ૪૦ ગ્રામ કિં.રૂ.૩૦૦૦/- , સોનાના દાગીના આશરે ૧૭ ગ્રામ કિં.રૂ.૫૫,૦૦૦/- તથા રોકડ રૂ. ૧૦,૦૦૦/- તેમજ મનસુખભાઈ લાલજીભાઈ બેરાના મકાનમાંથી રોકડ રૂ. ૧૧,૦૦૦/- અને બળદેવભાઈ મગનભાઈ સેરસીયાના મકાનમાંથી રોકડ રૂ.૧૨,૦૦૦/- એમ કુલ કિંમત રૂ.૯૧,૦૦૦/- ની ચોરી કરી લઈ ગયા હતાં. મોરબી બી ડીવીઝન પોલીસે ચોરીનાં બનાવની ફરિયાદ નોંધી તસ્કરોને ઝડપી પાડવા તજવીજ હાથ ધરી છે.