મોરબીમાં મૃત નવજાત શિશુને ત્યજી દેનાર અજાણી રત્રી સામે ગુનો નોંધાયો

મોરબીના મહેન્દ્રપરા વિસ્તારમાં ઉકરડામાંથી અધૂરા માસે તાજું જન્મેલું ત્યજી દેવાયેલી હાલતમાં મૃત બાળક મળી આવતા ચકચાર મચી ગઇ હતી.હાલ બાળકને જન્મ આપી મૃત હાલતમાં ત્યજી દેનાર તેની અજાણી માતા સામે પોલીસે ગુન્હો નોંધીને તેને ઝડપી લેવા તપાસ હાથ ધરી છે.

મોરબીના મહેન્દ્રપરા પાસે ઉકરડામાંથી ગઈકાલે ત્યજેલા બાળકનું મૃત હાલતમાં ભ્રુણ મળી આવ્યું હતું. આ બનાવ અંગે મોરબી સીટી એ ડિવીઝન પોલીસ સ્ટેશનના પોલીસ સબ ઇન્સ્પેકટર એમ.પી.સોનારાએ ખુદ ફરિયાદી બની કોઇ અજાણી સ્ત્રી સામે ફરિયાદ નોંધાવી હતી કે, કોઇ અજાણી સ્ત્રીએ બાળકનો જન્મ છુપાવવા જન્મ પહેલા કે જન્મતી વેળાએ મૃત્યુ પામેલ નવજાત બાળકના મૃતદેહને ત્યજી દઇ નવજાત બાળકના જન્મને ઇરાદા પુર્વક છુપાવેલ તથા છુપાવવાનો પ્રયાશ કરી મૃતક નવજાત બાળક મળી આવતા ગુનો હોવાનું ફરિયાદ દાખલ કરી આગળની તપાસ હાથ ધરી છે.