માળીયા(મી.)નાં વાગડીયા ઝાપા પાસે વર્લી ફીચરનો જુગાર રમતા એક શખ્સ ઝડપાયો

મોરબી જિલ્લામાં જુગાર અને દારૂની બદીને અટકાવવા માટે પોલીસ અધિક્ષક રાહુલ ત્રિપાઠીએ સૂચનાઓ આપી છે. જેને ધ્યાને લઈ મોરબી શહેર અને જિલ્લા પોલીસ સતર્ક થઇ ગઇ છે. ત્યારે ગઈકાલે માળીયા મી. પોલીસે માળીયા મી.નાં વાગડીયા ઝાપા પાસે વર્લી ફીચરનો જુગાર રમતા એક ઈસમને ઝડપી લીધો છે.

મળતી માહિતી અનુસાર, માળીયા મી.માં વાગડીયા ઝાપા પાસે ખંડેર મકાનમા મુસ્તાક અબ્દુલભાઇ ખોડ નામનો શખ્સ વર્લી ફીચરનો જુગાર રમતો અને રમાડતો હોવાની બાતમીના આધારે માળીયા મી. પોલીસ સ્ટેશનની ટીમે દરોડો પાડતા આરોપી જાહેરમાં વરલી ફીચરના આંકડા લખી જુગાર વરલી ફીચરનો જુગાર રમાડતો મળી આવ્યો હતો. જેની પાસેથી પેન, ડાયરી તથા રોકડા રૂપીયા-૪૪૦/-કબ્જે કરી માળીયા મિયાણા પોલીસે કાયદેસરની કાર્યવાહી હાથ ધરવામાં આવી હતી.