મોરબીના ઘુટુ રોડ પર ટ્રકની ઠોકરે બાઈક ચાલક કાળનો કોળિયો બન્યો

મોરબી શહેરના ઘુટુ રોડ પર ટ્રક અને બાઈક વચ્ચે અકસ્માત સર્જાયો હતો જેમાં ટ્રકની ઠોકરે ચગદાઈ ગયેલા બાઈક ચાલક કાળ નો કોળિયો બની જતા પરિવારમાં અરેરાટી ફેલાઈ છે.

ગોઝારી ઘટનાની જાણવા મળતી વિગત અનુસાર શહેરના ઘુટુ રોડ પરની કનૈયા પાન નજીક બેફામ સ્પીડે આવતા રજી. નં. GJ-03-AT-3859 ના ટ્રક ચાલકે સ્પ્લેન્ડર પ્લસ નં-GJ-18-AN-0734 બાઇકને અડફેટે લીધી હતી આ અકસ્માતમાં બાઈક ચાલક મંજુનાથ બસપ્પાભાઇ અકકી (ઉ.વ-૪૪) જમીન પર પટકાયા હતા અને ટ્રક ડમ્પરના ટાયરમા આવી જતા તેનું ચગદાઈ જવાથી મોત નીપજ્યું હતું.આ અકસ્માત સર્જી આરોપી નાશી છુટતા મૃતકના સાળા નાગરાજભાઇ ટોલીયાગોડાભાઇ ઉમાચેડીએ મોરબી સીટી બી ડીવિઝન પોલીસ મથકમાં ફરિયાદ નોંધવતા પોલીસે ગુન્હો નોંધી કાર્યવાહી આગળ ધપાવી છે.